شفني بسافر وابتعد عن مصيرك
******************وأرجوك لاتطلب من القلب ينساك
أنا سفير الحزن مدري سفيرك
***************مدري أنا وشلون قلبي بلياك
صحيح شفت الويل وأبكي هجيرك
******************بس المصيبه عيت الروح تجفاك
خطاي إني كنت أنا أعشق غديرك
******************والمشكله قلبي تعذب يبي ماك
قد قلت لي أنك ماتخالف عشيرك
*****************وقد قلت لك كلي ترى فدوة رضاك
وأنا وعدتك دوم أبقى خشيرك
****************إلا مع النسيان مانيب وياك
كنت اعتبر نفسي معك واستشيرك
***************وشفاي ماتضحك قبل ضحكة شفاك
وكنت أترك اللي من كلامي يثيرك
**************واحقد على غيري إلا منه أبكاك
إن عودت للحب أسأل ضميرك
**************من جفا كل المخاليق وأغلاك
وإن عودت للشوق..الله يجيرك
*************وصلت أنا من زايد الشوق لأقصاك
اهديتك اللي ماعطيته لغيرك
*************واهديتني صدك وبعدك وفرقاك
مع السلامه..كثر الله خيرك
************واوعدك إني لآخر العمر ابهواك
منقول
الثلاثاء أغسطس 14, 2007 9:13 am
